Consolidación do Anel Verde Exterior. Restauración ambiental e creación do Laboratorio Vivo Urbano Agroecolóxico no Xardín Botánico
Conservar os valores ecolóxicos do Xardín Botánico e crear espazos accesibles e de lecer para o uso público na contorna do corredor ecolóxico do río Sarela.
Obxectivos
A actuación procura a conservación e a restauración do corredor ecolóxico fluvial do río Sarela e da carballeira autóctona adxacente, a mellora ecolóxica da penedía, o establecemento dun laboratorio vivo mediante a plantación de árbores froiteiras e o acondicionamento da rede de carreiros internos das áreas verdes e zonas de estancia.
O ámbito de actuación engloba unha área de 44.300 metros cadrados no espazo coñecido como Xardín Botánico, un conxunto de parcelas situado no SW da cidade, anexo ao Campus Sur da Universidade de Santiago de Compostela. Os terreos integran unha parte do corredor do río Sarela e antigas parcelas agrícolas.
Actuacións
Corredor do río Sarela
- Conservación e restauración fluvial do corredor ecolóxico do río Sarela: mellora dos hábitats e do sendeiro que transcorre ao longo de todo o corredor no Xardín Botánico e eliminación de especies exóticas invasoras.
Bosque autóctono da carballeira
- Reforzo e restauración do bosque autóctono da carballeira para a mellora ecolóxica deste hábitat.
Área da penedía
- Mellora ecolóxica da área de rochedo nunha superficie de 1.200 metros cadrados.
Área de antigos cultivos
- Creación dun Laboratorio Vivo mediante a plantación de árbores froiteiras.
- As antigas áreas de uso agrícola destinaranse a configuración dun horto ou pomar, abarcando un total de 12.000 metros cadrados.
Sendeiros de uso público
- Acondicionamento da rede de carreiros internos das áreas verdes e zonas de estancia, incluíndo medidas de accesibilidade.
- Asesuramento da conservación dos valores ecolóxicos do espazo co seu uso e goce público.
Orzamento
A actuación Consolidación do Anel Verde Exterior. Restauración ambiental e creación do Laboratorio Vivo Urbano Agroecolóxico no Xardín Botánico do proxecto "Entre Sar e Sarela" conta cun orzamento de:
- Orzamento de obra:213.049,25 € + IVE
- Orzamento total da actuación:269.256,60 € + IVE
O proxecto “Entre Sar e Sarela” conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea - NextGenerationEU.
Galería de imaxes
