Consolidación do Anel Verde Exterior. Restauración ecolóxica e fomento da biodiversidade no Monte Periurbano Viso
Recuperar os hábitats naturais desta área de especial valor ornitolóxico e mellorar as sendas do Monte Viso, cheas de personaxes lendarios e mitolóxicos.
Obxectivos
Esta actuación pretende conservar e restaurar os hábitats de interese comunitario restaurando áreas de antigas plantacións forestais, permitindo a proliferación de especies autóctonas e compatibilizándoo co uso e lecer da cidadanía. Procúrase establecer este espazo como un elemento singular da Infraestrutura Verde de Santiago e do Anel Verde Exterior.
O ámbito de actuación comprende a área de cume do Monte Viso, nunha superficie de 8,5 hectáreas, nas que está presente unha ampla e diversa representación de distintos hábitats de interese comunitario.
Actuacións
Eliminación de elementos alleos ao espazo.
Substitución de especies exóticas por árbores autóctonas: bidueiros, carballos, sobreiras, acivros e distintas especies arbustivas.
Instalación de caixas niño para aves e morcegos.
Creación de hoteis para insectos.
Reforzo das sendas interiores para facilitar o seu uso, dotándoas de medidas de accesibilidade universais.
Colocación de paneis informativos sobre os hábitats do monte.
Orzamento
A actuación Consolidación do Anel Verde Exterior. Restauración ecolóxica e fomento da biodiversidade no Monte Periurbano Viso do proxecto “Entre Sar e Sarela” conta cun orzamento de:
- Orzamento de obra:85.000 € + IVE
- Orzamento total da actuación:125.542,31 € + IVE
O proxecto “Entre Sar e Sarela” conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea - NextGenerationEU.
Galería de imaxes
