Barrio Verde de Pontepedriña: Renaturalización do quinteiro e creación dun corredor ecolóxico urbano
Transformar un espazo pensado para os coches para convertelo nun auténtico corredor ecolóxico, no que a auga poida fluír e se creen camiños e espazos de estancia en conexión coa natureza.
Obxectivos
As actuación de mellora buscan renaturalizar todo o quinteiro, crear un corredor ecolóxico urbano e implementar un novidoso sistema de xestión da auga de chuvia para incorporala ao río Sar libre de residuos.
O ámbito de actuación está formado polo quinteiro do barrio de Pontepedriña, entre a rúa Amor Ruibal, a praza Pintor Laxeiro e a rúa do Escultor Camilo Otero, que limita co Parque Eugenio Granell. Unha zona que conta cunha elevada porcentaxe de espazo público destinado ao tráfico rodado.
Actuacións
Rúa de Amor Ruibal
- Nova distribución viaria: eliminación de dous carrís de vehículos e implantación de carril bici.
- Incremento de espazos de lecer con vexetación autóctona.
Praza Pintor Laxeiro
- Transformación e mellora ecolóxica da praza Pintor Laxeiro e da faixa verde do parque Eugenio Granell.
- Supresión de zonas pavimentadas que pasan a ser zonas verdes.
- Reorganización da circulación peonil.
- Redución do impacto visual e acústico a través dunha pantalla vexetal.
Parque de Eugenio Granell e rúa Escultor Camilo Otero
- Eliminación de grandes áreas pavimentadas sen uso existentes entre a beirarrúa que bordea o marxe sur da Rúa Camilo Otero.
IES A Pontepedriña
- Eliminación de especies presentes no noiro e plantación de árbores de gran porte.
Mellora ecolóxica nos viarios interiores do quinteiro
- Incremento da vexetación autóctona e inclusión de alcorques vivos.
Novidoso sistema de xestión da auga de chuvia
- Recollida de excedente de pluviais nun rego en superficie para levalo a unha balsa de biorremediación no parque Eugenio Granell e unha vez libre de residuos incorporalo ao río Sar.
Zonas verdes de Pontepedriña
- Eliminación de especies exóticas e invasoras, apostandopor vexetación autóctona.
Orzamento
A actuación Barrio Verde de Pontepedriña: Renaturalización do quinteiro e creación dun corredor ecolóxico urbano do proxecto "Entre Sar e Sarela" conta cun orzamento de:
- Orzamento de obra:1.488.885 € + IVE
- Orzamento total da actuación:1.785.685,27 € + IVE
O proxecto “Entre Sar e Sarela” conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea - NextGenerationEU.
Galería de imaxes
