Naturalización da lagoa do Auditorio de Galicia, restauración fluvial do río Corgo e mellora ecolóxica das áreas verdes contiguas
Transformar a Área Verde do Auditorio de Galicia para incrementar o seu valor ecolóxico e a conectividade entre o Anel Verde e a trama urbana, naturalizar a lagoa artificial do auditorio e restaurar o río Corgo.
Obxectivos
A actuación busca mellorar as condicións da natureza e da biodiversidade das áreas verdes e das zonas fluviais da contorna do Auditorio de Galicia, reforzando o seu valor ecolóxico como núcleo da infraestrutura verde local.
O ámbito de actuación comprende un total de 26.500 metros cadrados de área verde do Auditorio de Galicia, que inclúe a lagoa do Auditorio cuxas augas proveñen do río Corgo, a Finca de Lois e o Parque da Avenida Burgo das Nacións, áreas en contacto directo co Anel Verde Exterior.
Actuacións
Río Corgo:
- Intervención en tres tramos: Finca de Lois, Parque da Avenida Burgo das Nacións e nos Xardíns do Auditorio.
- Plantacións de árbores e arbusto nas ribeiras para conseguir un bosque ripario.
- Aumento do leito e mellora das ribeiras con vexetación propia.
Lagoa do Auditorio de Galicia:
- Reparación do vaso da lagoa, mellora da impermeabilidade e eliminación do sedimento acumulado.
- Vexetación acuática dentro da lagoa e de ribeira nos bordos.
- Novas illas flotantes para a depuración das augas.
Contorna das áreas verdes do Xardín do Auditorio de Galicia, Parque da Avenida do Burgo das Nacións e Finca de Lois:
- Mellora da biodiversidade e funcións ecolóxicas, con máis presenza de vexetación autóctona.
Área Verde do Auditorio:
- Intervencións para compatibilizar o uso recreativo coa conservación ecolóxica.
- Iluminación sostible.
- Redeseño da rede de carreiros internos das áreas verdes e das áreas de estancia.
Orzamento
A actuación Naturalización da lagoa do Auditorio de Galicia, restauración fluvial do río Corgo e mellora ecolóxica das áreas verdes contiguas do proxecto "Entre Sar e Sarela" conta cun orzamento de:
- Orzamento de obra:683.442,72 € + IVE
- Orzamento total da actuación:816.494,25 € + IVE
O proxecto “Entre Sar e Sarela” conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea - NextGenerationEU.
Galería de imaxes
